Amodau
Ni welwyd unrhyw eira na rhew ar y llwybr yn ystod arsylwadau heddiw, er bod posibilrwydd o rywfaint o amdoau rhewllyd dros nos yn y dyddiau i ddod (gweler Gwybodaeth Ychwanegol isod).

Diwrnod llwyd a chymylog ar y cyfan, gyda gwyntoedd sylweddol. Yn cychwyn yn wlyb, ond yn codi yn raddol yn ystod y dydd.

Offer hanfodol
Offer cerdded addas tymhorol, yn cynnwys goleuadau (fel lamp pen neu ddwy bob un).

Bydd cario pigau bach i’r traed yn cynnig dewisiadau mwy diogel ar y mynydd (gweler Gwybodaeth Ychwanegol isod).

Gwybodaeth Ychwanegol
Ar ddydd Gwener yr adroddiad mae'r rhagolygon yn awgrymu bydd y tymheredd ar y copa ychydig uwchben y rhewbwynt yn ystod y dydd, ac yn agos i, neu o dan y rhewbwynt yn ystod y nos yn y dyddiau i ddod. Mae darogan i'r tymheredd ar y copa fod cyn ised â -1ºC (gan deimlo fel ei bod cyn ised â -8ºC ar adegau).

Golyga hyn nad yw amodau eira a rhew sylweddol yn debygol yn y dyddiau i ddod, ond bod rhywfaint o farrug neu rew yn debygol. Mae'r amodau mwy rhewllyd hyn yn debygol o ddatblygu dros nos, ond mae posib iddynt barhau i fewn i'r diwrnod canlynol ar adegau hefyd. Ymddengys unrhyw eira yn annhebygol, ond mae hefyd rhywfaint o bosibilrwydd ar adegau.