Amodau
Ni welwyd unrhyw eira ar y mynydd heddiw. Er nad oedd yn effeithio cerdded y llwybr o gwbl, roedd barrug rhewllyd wedi dechrau ffurfio ar rannau o'r mynydd yn agos i'r copa.
Diwrnod cymylog, gyda cyfnodau brafiach, a gwynt cymedrol ond oer iawn. Cafwyd un gawod fer ysgafn yn ystod yr arsylwadau, a oedd yn disgyn fel cymysgedd o genllysg ac eirlaw ar adegau.
Offer hanfodol
Offer cerdded addas tymhorol, yn cynnwys goleuadau (fel lamp pen neu ddwy).
Gall cario pigau bach i'r traed gynnig dewisiadau i gadw'n ddiogel rhag dod ar draws amodau gaeafol ar y mynydd (gweler Gwybodaeth Ychwanegol isod).
Gwybodaeth Ychwanegol
Ar ddydd Gwener yr adroddiad mae'r rhagolygon yn awgrymu y bydd y tymheredd ar y copa o dan y rhewbwynt i ddechrau ac wedyn yn codi uwchben y rhewbwynt am y rhan fwyaf o'r cyfnod hyd nes yr adroddiad nesaf dydd Mawrth. Mae darogan y bydd y tymheredd ar y copa cyn ised â -1˚C, gan deimlo cyn ised â -10˚C ar adegau.
Mae'r rhagolygon yn awgrymu fod posibilrwydd o rywfaint o eira yn gynnar yn y cyfnod, ac yn debygol o rewi yn rhai llefydd yn uwch ar y mynydd heno (nos Wener) ac i mewn i fore Sadwrn. Gyda gwynt a glaw yn datblygu bnawn Sadwrn, mae unrhyw amodau gaeafol allai ddatblygu erbyn y bore yn debygol o ddadmer . Mae unrhyw amodau gaeafol yn ymddangos yn llai tebygol wedi hyn, ond mae'r tymheredd yn isel ar adegau ac mae hi dal werth cadw golwg ar y rhagolygon diweddaraf.